जय जोहार । सीएम भूपेश बघेल (CM Bhupesh Baghel) ह अपन प्रदेस व्यापी भेंट-मुलाकात अभियान के तहत 29 दिसंबर के नवागढ़ विधानसभा क्षेत्र के ग्राम दाढ़ी अउ नांदघाट म आमजनता ले भेंट-मुलाकात करही। ए दउरान सीएम ह ओखर समस्या अउ आवेदन के निदान करे के संग ही सासन के योजना के क्रियान्वयन के संबंध म फीडबैक लेही।
निर्धारित दउरा कार्यक्रम के अनुसार सीएम भूपेश बघेल (CM Bhupesh Baghel) ह बिहनिया 11.40 बजे पुलिस ग्राउण्ड हेलीपेड रायपुर ले हेलीकॉप्टर डहार ले नवागढ़ विधानसभा क्षेत्र के ग्राम दाढ़ी बर प्रस्थान करही। उंहा मंझनिया 12.05 बजे ले आम जनता ले भेंट-मुलाकात अउ सासकीय योजना, कार्यक्रम के जायजा लेही। एखर बाद ग्राम नांदघाट जाही, उंहा मंझनिया 2.30 बजे ले आम जनता ले भेंट-मुलाकात करही ।
एखर बाद सीएम ह नांदघाट रेस्टहाउस जाही, उंहा संझा 6 बजे से 8 बजे तक विभिन्न समाज के प्रतिनिधिमंडल ले भेंट-मुलाकात करही। एखर बाद मुख्यमंत्री नांदघाट ले रात्रि 8 बजे प्रस्थान कर रात्रि 9.15 बजे मुख्यमंत्री निवास रायपुर वापस लहुट आही।
Other Articles
chhattisgarh म धान खरीदी के आंकड़ा 75 लाख मीटरिक टन ले होगे जादा
IOCL ह छत्तीसगढ़ म टीबी उन्मूलन म करही सहयोग, पढ़व
