सीएम बघेल ह करिन रानी लक्ष्मीबाई के बलिदान दिवस म ओमन ल नमन

रायपुर. मुख्यमंत्री भूपेश बघेल ह आज अपन निवास कार्यालय म रानी लक्ष्मी बाई के छायाचित्र म माल्यार्पण कर उंखर बलिदानी दिवस म उंखर वीरता, साहस अऊ देशभक्ति ल नमन करिन। सीएम बघेल ह ए बेरा म कहिन कि झांसी के रानी ह महतारी भुईयां बर अपन परान ल न्यौछावर कर दिस। ओ ह सच्चा वीरांगना रिहिन। मुख्यमंत्री ह कहिन कि रानी लक्ष्मी बाई शौर्य अऊ नारी शक्ति के मिसाल हे, उंखर व्यक्तित्व सिरिफ महिला मन भर नई बल्कि जम्मो समाज अऊ देस बर प्रेरणा स्रोत हे।