जय जोहार…. मुख्यमंत्री (cm) भूपेश बघेल ह केंद्रीय गृहमंत्री अमित शाह ल पत्र लिखे हे। एमा सीएम बघेल ह नक्सल उन्मूलन के कार्ययोजना के बेहतर क्रियान्वयन बर केन्द्र ले सहयोग मांगे हे। पत्र म पूर्व म आबंटित सात सीआरपीएफ बटालियन ल राज्य ल जल्द उपलब्ध कराय के मांग करे हे। एखर संग बस्तर के युवा मन बर विशेष भर्ती रैली अऊ एक अतिरिक्त बस्तर बटालियन के गठन के घलो आग्रह करे हे।
सीएम (cm) बघेल ह पत्र म लिखे हे कि साल 2018 म गृह मंत्रालय के तरफ ले छत्तीसगढ़ राज्य बर सात अतिरिक्त सीआरपीएफ बटालियन आबंटित करे गे रहिस, जेला दक्षिण बस्तर के नक्सल प्रभावित क्षेत्र म तैनात करे जाना रहिस। चयनित लोकेशन म निर्माण कार्य ल पूरा करा ले गे हे। एखर सती पूर्व म आबंटित सात सीआरपीएफ बटालियन ल राज्य ल अतिशीघ्र उपलब्ध कराए जाए।
सीएम (cm) बघेल ह पत्र म लिखे हे कि नक्सल प्रभावित जिला म दूरसंचार के सुविधा म वृद्धि बर 1028 मोबाइल टावर के स्थापना के स्वीकृति दे गे रहिस। एखर बर लोकेश न के चयन कर गृह मंत्रालय ल भेजे जा चुके हे। टावर के स्थापना ल जल्द करे जाए। जेखर लाभ लोगन मन के संग सुरक्षा बल ल घलो मिल सके।
No Comment! Be the first one.