cm भूपेश बघेल ह केंद्रीय मंत्री हर्षवर्धन ल लिखे हे पत्र, करिन ये आग्रह

जय जोहार…. सीएम (cm) भूपेश बघेल ह केंद्रीय स्वास्थ्य मंत्री डॉ. हर्षवर्धन ल पत्र लिखे हे। ए पत्र म राज्य म कोविड अस्पताल अऊ कोविड सेन्टर के संचालन बर 736.74 करोड़ रूपिया के राशि ल उपलब्ध कराय, कोरोना संक्रमण के रोकथाम अऊ बचाव बर आवश्यक सामाग्री के तुरंत आपूर्ति अऊ एम्स रायपुर म उपलब्ध 54 बेड ल बढ़ा के 200 बेड करने के आग्रह करे हे।

सीएम (cm) बघेल ह लिखे पत्र म प्रदेश म कोरोना संक्रमण के वर्तमान स्थिति के जानकारी ल देवत हुये कोविड महामारी के समय म केंद्र सरकार के तरफ ले दे जावत तकनीकी सहायता अऊ दिशा-निर्देश बर धन्यवाद दे हे।

सीएम (cm) बघेल ह पत्र म लिखे हे कि छत्तीसगढ़ म कोविड के रोकथाम बर पूरा प्रदेश म 29 डेडिकेटेड हास्पिटल अऊ 221 कोविड केयर सेन्टर के स्थापना करे गे हे। वर्तमान म राज्य सरकार के तरफ ले ए संस्थान म मरीज मन के इलाज बर 29111 अस्पताल बेड विकसित करे गे हे।

ए सबो कोविड अस्पताल अऊ कोविड केयर सेन्टर के संचालन बर स्वास्थ्य अऊ परिवार कल्याण विभाग छत्तीसगढ़ के तरफ ले संदर्भित पत्र के तरफ ले 821.93 करोड़ रूपिया के मांग करे गे रहिस, लेकिन अभी तक सिरिफ 85.19 करोड़ रूपया के राशि पाप्त होय हे। कृपया कोविड बर शेष राशि ल शीघ्र प्रदान करे।