Chhattisgarh: एमबीबीएस बर निजी कालेज के पेमेंट सीट म छात्र मन ल सरकार ह दिलाही दाखिला, पढो पूरा खबर

जय जोहार…. (Chhattisgarh) सीएम भूपेश बघेल ह संवेदनशील पहल करत हुये प्रदेश के सुदूर अंचल के छात्र मन ल बड़े राहत दे हे। जिहां नेटवर्क अऊ आन तकनीकी सती नीट क्वालिफाई होनहार छात्र-छात्रा मन जेन काउंसिलिंग बर तय समय म अपन पंजीयन नई करा सके रिहिन,

ओ मन ल प्रदेश के निजी कालेज म पेमेंट सीट म प्रवेश दिलाय ल सीएम बघेल ह निर्देश दे हे। (Chhattisgarh) छत्तीसगढ़ राज्य निर्माण के बाद ये पहिली बार हे कि एमबीबीएस बर निजी कालेज के पेमेंट सीलट म लईका मन ल प्रदेश सरकार के खर्च म दाखिला दिलाए जाही।

सीएम बघेल ह कहिन कि कोनो लईका मन के भविष्य के संग समझौता नई होना चाही। सीएम ह प्रदेश (Chhattisgarh) के दूरस्थ आदिवासी अंचल के अईसे सबो होनहार लईका मन के एमबीबीएस म दिखाल बर जिला प्रशासन ल आवश्यक कार्यवाही करे के निर्देश दे हे।