आदिवासी किसान के मंच ले सीएम भूपेश ह करिस केन्द्र उपर प्रहार

वनवासी मन के दुरदसा बर मोदी          सरकार ल ठहराइस जुम्मेदार

कांकेर। मुख्यमंत्री भूपेश बघेल ह केन्द्र सरकार ले आदिवासा मन ल मिलइया स्कालरशिप बर आमदनी के सीमा बढ़ाए के मांग करिस हे. उमन कहिन के, हमन सामान्य वर्ग के 10 प्रतिशत आरक्षण के पक्ष म हन. लेकिन उंखर (केन्द्र सरकार) नीयत ठीक नइए. एक तरफ केन्द्र सरकार ह 10 प्रतिशत आरक्षण के बर आमदनी के सीमा 8 लाख रुपिया कर दीस हे. लेकिन आदिवासा मन के स्कालरशिप बर आमदनी सीमा ढाई लाख रुपिया हवय .

ओखर ले जियादा आमदनी हो त स्कालरशिप नई मिलही. जब 10 प्रतिशत आरक्षण बर आमदनी के सीमा 8 लाख रुपिया कर दे गेहे . त आदिवासी मन बर घलो ढाई लाख रुपिया के सीमा ल बढ़ाके 8 लाख रुपिया करे जाए. भूपेश बघेल ह कहिन के, एखर बर हमन केन्द्र सरकारल चिट्ठी लिखे हन.. ए बात ल मुख्यमंत्री भूपेश बघेल ह कांकेर जिला के चारामा म आयोजित किसान मन अउ महिला दिवस बर कार्यक्रम म कहिन.

सरकार बने के बाद प्रदेस म करेगे कार्य मन ल बतात हुए सीएम भूपेश ह कहिन के छत्तीसगढ़ म 20 लाख किसान मन 10 हजार करोड़ रुपिया के ऋण माफी सरकार ह करे हे. धान के समर्थन मूल्य बढ़ा के 2500 रुपिया करिस हे. छत्तीसगढ़ देस के पहिली अइसे राज्य हे जिहां सरकार सबले जादा दाम म किसान मन के फसल खरीदत हे. एखर संग ही तेंदूपत्ता के दर 2500 ले बढ़ाके 4 हजार रूपिया हमन कर देन. उंम कहिन के, सरकार ह सबो वनोपज ल समर्थन मूल्य म खरीदे के फइसला करे हे.

भूपेश बघेल ह टाटा ह किसान मन के अधिगृहित करेगे  जमीन ल लउटाए के जिक्र करत हुए कहिन के,  छत्तीसगढ़ आदिवासी मन के जमीन वापिस करइया देस के पहिली राज्य हे. राहुल आए रहिस हे, उंखर  हाथ ले हमन जमीन वापिस करे के दस्तावेज किसान मन  ल सउपेन