Chhattisgarh: सीएम भूपेश बघेल ह करिन कांकेर म अलग-अलग विकास कार्य के लोकार्पण अऊ शिलान्यास

जय जोहार…. (Chhattisgarh) सीएम भूपेश बघेल ह गुरुवार के कांकेर के गोविंदपुर म आयोजित आमसभा म 342 करोड़ रुपया के अलग-अलग विकास कार्य के शिलान्यास अऊ लोकार्पण करे हे। सीएम बघेल ह 94 करोड़ रुपया के लागत के 95 विकास कार्य के लोकार्पण अऊ 248 करोड़ रुपया के लागत के 74 विकास कार्य के भूमिपूजन करे हे।

(Chhattisgarh) सीएम बघेल ह जेन कार्य के लोकार्पण करे हे, ओमा कांकेर, सरोना, चंवाड़, बांसला, कोदागांव जनजाति के विद्यार्थी मन के सुविधा बर 21 करोड़ 14 लाख रूपए के लागत ले छात्रावास भवन, तीन करोड़ 48 लाख रूपया के लागत ले निर्मित लाईवलीहुड कॉलेज भवन, 9 करोड़ 78 लाख रूपए के लागत ले 5 सड़क, एक करोड़ 54 लाख रूपया ले 8 एम्बुलेंस अऊ पखांजूर म 5 करोड़ 88 लाख रूपया के लागत ले निर्मित 50 बिस्तर एमसीएच विंग निर्माण सामिल हे।

ए अवसर म (Chhattisgarh) वन मंत्री मोहम्मद अकबर, उद्योग मंत्री कवासी लखमा, लोक स्वास्थ्य यांत्रिकी अऊ कांकेर जिले के प्रभारी मंत्री गुरू रुद्रकुमार, विधानसभा उपाध्यक्ष मनोज मंडावी, संसदीय सचिव शिशुपाल शोरी, विधायक मोहन मरकाम अऊ अनूप नाग, मुख्यमंत्री के सलाहकार राजेश तिवारी समेत जनप्रतिनिधि अऊ बड़का संख्या म लोगन मन ह उपस्थित रिहिन।