CM Bhupesh Baghel ह नारायणपुर जिला म अलग-अलग विकास कार्य के करिन भूमिपूजन अऊ लोकार्पण

जय जोहार…. (CM Bhupesh Baghel) सीएम भूपेश बघेल ह नारायणपुर जिला म आज 84 करो़ड़ रुपया के अलग-अलग विकास कार्य के लोकार्पण अऊ भूमिपूजन करे हे। एमा 77 करोड़ 80 लाख रुपया के लागत ले 26 विकास कार्य के भूमिपूजन अऊ 8 करोड़ 11 लाख रुपया के 14 विकास कार्य के लोकार्पण शामिल हे।

ए अवसर म संबोधित करत हुये सीएम भूपेश बघेल (CM Bhupesh Baghel) ह किन कि बस्तर के प्राचीन संस्कृति अऊ परम्परा के संरक्षण अऊ संवर्धन बर सरकार ह कृतसंकल्पित हे। नारायणपुर जिला म 50 घोटुल के मांग रिहिन, लेकिन हमर सरकार ह 100 घोटुल बनाही। संगेसंग जिला के सबो 104 ग्राम पंचायत म देवगुड़ी के घलो निर्माण करे जाही। हरेक देवगुड़ी बर 6 लाख रुपए के घोसना करे हे।

(CM Bhupesh Baghel) सीएम भूपेश बघेल ह ग्रामीण मन के मांग पर नारायणपुर अऊ कांकेर जिला ल जोड़इया मुख्य रद्दा नारायणपुर-अंतागढ़ स्टेट हाइवे के चौड़ीकरण अऊ मजबूतीकरण करे के घोसना करे हे। वो हा जिला मुख्यालय नारायणपुर म सर्व सुविधायुक्त मंगल भवन के निर्माण अऊ नगर के बंधुवा तालाब के सौंदर्यीकरण अऊ गहरीकरण बर 6 करोड़ रुपया स्वीकृत करे के घलो घोसना करिन।