जय जोहार…. विश्व आदिवासी दिवस म आज सीएम (cm) भूपेश बघेल ह पुरखौती मुक्तांगन म बनइया शहीद वीर नारायण सिंह स्मारक अउ संग्रहालय के वीडियो कांफ्रेंसिंग ले ई-शिलान्यास करे हे।
ए कार्यक्रम म सीएम (cm) भूपेश बघेल ह अपन निवास कार्यालय ले शामिल होइस। वो हा ए अवसर म आदिवासी समाज ल बधाई अउ शुभकामना दे हे।
सीएम (cm) भूपेश बघेल ह कहिन कि शहीद वीर नारायण सिंह के स्मृति म पुरखौती मुक्तांगन म बनइया स्मारक ले अवइया पीढ़ी आदिवासी समाज के गौरवशाली इतिहास, संस्कृति अउ शहीद वीर नारायण सिंह के वीर गाथा अउ देश के स्वाधीनता संग्राम म ओखर योगदान ले परिचित हो सकही।
ए अवसर म आदिम जाति और अनुसूचित जाति विकास मंत्री डॉ. प्रेमसाय सिंह टेकाम, खाद्य अउ नागरिक आपूर्ति मंत्री अमरजीत भगत, उद्योग मंत्री कवासी लखमा, कृषि मंत्री रविन्द्र चौबे, गृह मंत्री ताम्रध्वज साहू, वन मंत्री मोहम्मद अकबर, महिला एवं बाल विकास मंत्री अनिला भेंडि़या, राजस्व मंत्री जयसिंह अग्रवाल, नगरीय विकास मंत्री डॉ. शिव कुमार डहरिया, संसदीय सचिव शकुंतला साहू, चिंतामणि महाराज, जशपुर विधायक विनय भगत, राज्य खनिज विकास निगम के अध्यक्ष गिरीश देवांगन उपस्थित रिहिस।
No Comment! Be the first one.