नई दिल्ली म नवा छत्तीसगढ़ सदन के होही निर्माण, सीएम भूपेश बघेल ह आनलाइन करिन शिलान्यास

जय जोहार…. नई दिल्ली म नवा छत्तीसगढ़ सदन के निर्माण होही। एखर बर मुख्यमंत्री भूपेश बघेल ह आज इहां अपन निवास कार्यालय ले नई दिल्ली स्थित द्वारका म बनइया नवा छत्तीसगढ़ सदन के आनलाइन शिलान्यास करिन।
नवा छत्तीसगढ़ सदन के निर्माण ह नई दिल्ली के सेक्टर-13 द्वारका में 60 करोड़ 42 लाख रूपिया के लागत से कराय जाही। ए सदन के निर्माण बर 43 हजार 803 वर्गफीट भूमि ल 22.50 करोड़ रूपिया म क्रय करे गे हे। नवा छत्तीसगढ़ सदन में 10 स्यूट रूम, 67 कमरे, डायनिंग हॉल एंड वेटिंग समेत मीटिंग हॉल अऊ कर्मचारी मन बर आवासीय टावर के निर्माण करे जाही।
ए अवसर पर गृहमंत्री ताम्रध्वज साहू, मुख्य सचिव आरपी मंडल, अपर मुख्य सचिव मुख्यमंत्री सुब्रत साहू, प्रमुख सचिव वन मनोज पिंगुआ, सचिव लोक निर्माण विभाग सिद्धार्थ कोमल परदेशी, प्रधान मुख्य वन संरक्षक राकेश चतुर्वेदी, मुख्यमंत्री सचिवालय में उप सचिव सौम्या चौरसिया उपस्थित रहिस।