chhattisgarh : सीएम भूपेश बघेल ह काली दुर्ग जिला म 177 करोड़ रुपिया के निर्माण काम के करही लोकार्पण अउ भूमिपूजन

जय जोहार…. (chhattisgarh) मुख्यमंत्री भूपेश बघेल 18 नवंबर के दुर्ग जिला म 177 करोड़ रुपिया के विकास अउ निर्माण काम के लोकार्पण अउ भूमिपूजन करही। लोकार्पण अउ भूमिपूजन के कारीकरम ह दुर्ग जिला के नगर निगम भिलाई, भिलाई-चरौदा, रिसाली अउ जामुल नगर पालिका क्षेत्र म होही।

(chhattisgarh) मुख्यमंत्री बघेल ह भिलाई नगर निगम क्षेत्र म 104 करोड़ रुपिया के लोकार्पण अउ भूमिपूजन कारीकरम के सौगात देही। भिलाई-चरौदा निगम म 40 करोड़ के रासि के निर्माण काम के सौगात अउ रिसाली निगम म 27 करोड़ के रासि के काम के लोकार्पण अउ भूमिपूजन होही।

जामुल म 5 करोड़ रुपिया के काम के लोकार्पण अउ 1.91 करोड़ के काम के भूमिपूजन होही। ए मउका म मुख्यमंत्री बघेल ह सासन के आने आने योजना के तहत लाभान्वित हितग्राही मन ल अनुदान रासि के चेक घलो वितरित करही।

भिलाई निगम म 25 स्वसहायता समूह ल 30 लाख रुपिया के रासि के चेक वितरित करे जाही। (chhattisgarh) श्रम पदाधिकारी ह बताइन कि ए अवसर म 143 श्रमिक के परिजन मन ल चेक घलो वितरित करे जाही। महिला अउ बाल विकास विभाग डहार ले घलो अइसनहे हितग्राही मन ल सामग्री वितरित करे जाही।