CM Bhupesh Baghel ह आज बेमेतरा जिला म होवइया कई ठीन कार्यक्रम म होही सामिल

जय जोहार। सीएम भूपेश बघेल (CM Bhupesh Baghel) ह आज क्रिसमस के अवसर म राजधानी रायपुर के सेंट पॉल्स केथैड्रल म आयोजित कार्यक्रम म सामिल होही। एखर बाद सीएम ह बेमेतरा जिला के ग्राम लोलेसरा म कबीर पंथ के संत समागम मेला अउ बेरला म मनवा कुर्मी समाज डहार ले आयोजित कार्यक्रम म सामिल होही।

निर्धारित दउरा कार्यक्रम के अनुसार सीएम ह बिहनिया 10.30 बजे राजधानी रायपुर के सेंट पॉल्स केथैड्रल चर्च म क्रिसमस के अवसर म आयोजित कार्यक्रम म सामिल होही । एखर बाद सीएम ह पुलिस परेड ग्राउंड रायपुर ले हेलीकॉप्टर ले मंझनिया 12.30 बजे प्रस्थान कर 1 बजे बेमेतरा जिला के ग्राम लोलेसरा पहुंचही, जिहां कबीरपंथ समाज डहार ले आयोजित संत समागम मेला म सामिल होही।

कार्यक्रम के बाद सीएम श्री बघेल ह कार ले 3.25 बजे नगर पंचायत बेरला पहुंचही, जिहां मनवा कुर्मी समाज डहार ले आयोजित कार्यक्रम म सामिल होही अउ माता बिंदेश्वरी बघेल स्मृति सामुदायिक भवन के लोकार्पण करही । एखर बाद सीएम ह हेलीकॉप्टर ले प्रस्थान कर संझा 4.40 बजे रायपुर लहुट आही।