chhattisgarh : बाहरी मनखे मन ल 21 फरवरी ले मंत्रालय महानदी भवन म होही प्रवेश के अनुमति, सुरक्षा कार्यालय ह जारी करही दैनिक पास, पढ़व

जय जोहार। (chhattisgarh) राज्य सासन डहार ले कोविड-19 के संक्रमण म आवत कमी ल देखत हुये 21 फरवरी ले मंत्रालय महानदी भवन म वैध स्थायी या अस्थायी प्रवेश पत्र धारक, सुरक्षा कार्यालय डहार ले जारी दैनिक पास धारक अउ विभागीय सचिव की अनुमति ले बाहरी मनखे मन ल मंत्रालय म प्रवेश के अनुमति ल प्रदान करे गेहे । मंत्रालय जवइया मनखे मन ल कोविड-19 के संक्रमण के रोकथाम बर बेरा -बेरा म जारी निर्देस के अनिवार्य पालन करे ल होही। सामान्य प्रसासन विभाग डहार ले आज े संबंध म दिसा-निर्देस जारी कर दे गेहे ।

जारी निर्देस म कहे गेहे कि (chhattisgarh) राज्य सासन डहार ले कोविड-19 के संक्रमण के रोकथाम अउ नियंत्रण बर मंत्रालय (महानदी भवन) म बाहरी मनखे मन के प्रवेश के संबंध म बेरा -बेरा म दिसा-निर्देस जारी करे जात हे। वर्तमान म संक्रमण म कमी आय के सेती अधिकारी अउ कर्मचारी मन के शत-प्रतिशत उपस्थिति नियत करे गेहे। संगेसंग 5 दिवसीय काम दिवस नियत कर कार्यालयीन बेरा म परिवर्तन करे गेहे ।

जेन मनखे मन के पास मंत्रालय म प्रवेश बर मंत्रालय सुरक्षा कार्यालय डहार ले जारी करे गेहे, वैध स्थायी-अस्थायी प्रवेश पत्र उपलब्ध हों, ओमन ल प्रवेश के अनुमति होही। जेन मनखे मन ल कोनो सासकीय काम या विभागीय काम ले मंत्रालय म प्रवेश करे ल चाहत हे , ओमन ल विभागीय सचिव के अनुमति ले ही मंत्रालय म प्रवेश दे जाही ।

आन आगंतुक अउ मनखे मन जेन बइठक , निजी काम अउ सौजन्य भेंट करे बर मंत्रालय म प्रवेश चाहत हे , ओमन ल पूर्व के भांति सुरक्षा कार्यालय डहार ले जारी करे जवइया दैनिक पास के माध्यम ले प्रवेश के अनुमति दे जाही। प्रवेश पत्र जारी करे के बेरा मंझनिया 2 बजे ले संझा 4.30 बजे तक रही ।