chhattisgarh : सीएम के बड़का बयान, प्रदेस म कम होही पेट्रोल अउ डीजल के कीमत, कैबिनेट के बइठक म होही फइसला

जय जोहार…. सीएम भूपेश बघेल के बड़का बयान सामने आय हे। दुर्ग रवाना होय के पहले पत्रकार मन ले चर्चा म सीएम बघेल ह किहिन कि छत्तीसगढ़ म पेट्रोल अउ डीजल के दाम ह कम होही।

(chhattisgarh ) वो हा किहीन कि 22 नवंबर के कैबिनेट के बइठक होवइया हे, जेमा पेट्रोल अउ डीजल के दाम ल लेके समीक्षा करे जाही। ए दउरान पेट्रोल अउ डीजल वैट के प्रस्ताव ल घलो रखे जाही। आन राज्य म वर्तमान म पेट्रोल अउ डीजल के कीमत का हे, एमा घलो चर्चा करे जाही।

बता देन कि (chhattisgarh ) मुख्यमंत्री बघेल ह आज दुर्ग जिला म 177 करोड़ रुपए के विकास अउ निर्माण काम के लोकार्पण अउ भूमिपूजन करही। लोकार्पण अउ भूमिपूजन के ये कारीकरम ह दुर्ग जिला के नगर निगम भिलाई, भिलाई-चरौदा, रिसाली अउ जामुल नगर पालिका क्षेत्र म होही।