जय जोहार…. (Chhattisgarh) धरसा विकास योजना के क्रियान्वयन बर अलग-अलग विभाग के योजना के अभिसरण बर सामान्य प्रशासन विभाग ह तीन विभाग के सचिव मन के समिति गठित करे हे। बता दन कि सीएम भूपेश बघेल ह 6 अक्टूबर के स्वामी आत्मानंद के जयंती म प्रदेश म धरसा विकास योजना ल सुरु करे जाय के घोसना करे रिहिन।
(Chhattisgarh) पंचायत अऊ ग्रामीण विकास विभाग के प्रमुख सचिव, लोक निर्माण, राजस्व अऊ आपदा प्रबंधन विभाग ले सचिव ल ए समिति के सदस्य बनाय गे हे। धरसा विकास योजना के तहत गांव म खेत-खलिहान तक पहुंचे बर धरसा के कच्चा रास्ता ल पक्का बनाय जाही।
विभागीय सचिव के तीन सदस्य मन के समिति ह धरसा विकास योजना के क्रियान्वयन बर (Chhattisgarh) पंचायत अऊ ग्रामीण विकास विभाग के अलग-अलग योजना, मनरेगा, लोक निर्माण विभाग अऊ आन विभाग के योजना के अभिसरण के संबंध म एक सप्ताह के भीतर शासन ल प्रतिवेदन प्रस्तुत करही। ए समिति के पहिली बइठक ह 9 अक्टूबर के होही।
No Comment! Be the first one.