छत्तीसगढ़ के ए तीन जिला म तीन मई तक पूर्ण लॉकडाउन, कलेक्टर ह जारी करिन आदेश

जय जोहार…. कोरोना वायरस के संक्रमण के वजह ले बेमेतरा अऊ मुंगेली जिला के बाद बस्तर म घलो तीन मई तक पूर्ण लॉकडाउन कर दे गे हे। ए संबंध म कलेक्टर डॉ. अय्याज तंबोली ह आदेश जारी कर दे हे।

जारी आदेश के अनुसार बस्तर म दु मई के बिहिनिया छह बजे ले लेके तीन मई के रात 12 बजे तक पूर्ण लॉकडाउन लागू कर दे गे हे। ए दौरान सिर्फ अस्पताल अऊ स्वास्थ्य संबंधी सेवा ल खुले रखे के अनुमति दे गे हे। एखर अलावा सबो दुकान, पेट्रोल पंप, बैंक अऊ सार्वजनिक कार्यक्रम म पूरी तरह ले बंद रही। लॉकडाउन के नियम के उल्लंघन करे म सख्त ले सख्त कार्रवाई करे जाही।

बता देन कि एखर पहले छत्तीसगढ़ के दु जिला बेमेतरा अऊ मुंगेली कलेक्टर ह पहले ही एक मई ले तीन मई तक जिला म पूर्ण लॉकडाउन के आदेश जारी कर दे रहिस। ए दुनो जिला म पेट्रोल पंप, बैंक अऊ मेडिकल सेंक्टर ह खुले रही। बाकी दुकान मन ह बंद रही।