पेट्रोल-डीजल के कीमत म बढ़ोतरी के खिलाफ कांग्रेस के काली सब्बो जिला मुख्यालय म धरना प्रदर्शन

जय जोहार…. पेट्रोल अऊ डीजल के दाम म वृद्धि के खिलाफ राजधानी रायपुर अउ सब्बो जिला मुख्यालय म काली कांग्रेस ह धरना प्रदर्शन करही। धरना-प्रदर्शन ह बिहनिया 10 बजे ले दोपहर 12 बजे तक होही। एखर बाद राष्ट्रपति के नाम ज्ञापन ल सौंपे जाही। स्पीक अप आन पेट्रोलियम प्राइजेस के कार्यक्रम ल जिला कांग्रेस कमेटी, ब्लाक कांग्रेस, विधानसभा कमेटी के तरफ ले व्यापक रूप ले चलाय जाही।
राजधानी रायपुर म प्रदेश कांग्रेस अध्यक्ष मोहन मरकाम के नेतृत्व म काली बिहनिया 11 बजे ले राजीव गांधी चौक म एक दिवसी धरना प्रदर्शन के आयोजन करे गे हे।

एखर बाद कांग्रेस जन मन ह प्रदेश कांग्रेस अध्यक्ष मोहन मरकाम के नेतृत्व म पेट्रोल-डीजल मे होवत बेतहाशा वृद्धि के विरोध स्वरूप राजीव गांधी चौक ले पूर्व सीएम डॉ. रमन सिंह के निवास तक साइकिल यात्रा करही अउ भेंट स्वरूप साइकिल प्रदान करही।