जय जोहार…. बस्तर के प्रवासी मजदूर मन के दयनीय दशा के उल्लेख करत हुए ओ मन ल जरूरी सरकारी सहायता पहुंचाए अऊ सुरक्षित घर वापसी ल सुनिश्चित करे के मांग करत हुए मार्क्सवादी कम्युनिस्ट पार्टी ह छत्तीसगढ़ के मुख्यमंत्री भूपेश बघेल समेत आंध्रप्रदेश अऊ तेलंगाना के मुख्यमंत्री मन ल पत्र लिखे हे। एमा माकपा ह ए संबंध म तत्काल आवश्यक कदम उठाए बर आग्रह करे हे। पार्टी ह ए मजदूर मन के संबंधित मिर्ची खेत मालिक मन के तरफ ले ओखर मजदूरी के पूरा भुगतान होय ल सुनिश्चित करे घलो मुख्यमंत्री मन ले आग्रह करे हे।
माकपा राज्य सचिव संजय पराते ह बताइस कि बस्तर ले लगभग दस हजार मजदूर ह आंध्रप्रदेश के ईस्ट गोदावरी जिला अऊ तेलंगाना के मुलुग, भद्राद्री, कोठागुडेम जिला मन म मिर्ची के खेत म काम करे बर जावत हे। ए मजदूर मन म बहुसंख्यक आदिवासी अऊ अधिकांश नाबालिग बच्चे व महिला मन होवत हे। कोरोना संकट के चलत लॉकडाउन होय ले ओखर मन के आजीविका ह खत्म हो गे हे अऊ मिर्ची खेत के मालिक अऊ ओ मन ल ले गिस ठेकेदार मन ह आश्रय दे ल बंद कर दे हे। ए परिस्थिति म हजारों मजदूर मन ल घर वापसी बर जंगल के रास्ता चुने ल पड़िस।
No Comment! Be the first one.