chhattisgarh : संस्कृति मंत्री अमरजीत भगत ह राष्ट्रीय आदिवासी नृत्य महोत्सव आयोजन स्थल के तैयारी के लीन हे जायजा
जय जोहार…. (chhattisgarh ) संस्कृति मंत्री अमरजीत भगत ह आज राजधानी रईपुर के साइंस कॉलेज मैदान म राष्ट्रीय आदिवासी नृत्य महोत्सव बर तैयार होवत मुख्य मंच अउ सासकीय विभाग के स्टाल समेत दुसरइया व्यवस्था के तैयारी के जायजा लीन हे।
(chhattisgarh ) मंत्री भगत ह मुख्य समारोह स्थल के संगेसंग विभागीय स्टाल म बिजली-पानी, साज-सज्जा समेत आगंतुक के आय -जाय के व्यवस्था, सुरक्षा व्यवस्था समेत सबो आवश्यक पहलु के निरीक्षण कर अधिकारी मन ल आवश्यक निर्देस देहे। वो हा किहीन कि 28 अक्टूबर ले 30 अक्टूबर तक राष्ट्रीय आदिवासी नृत्य महोत्सव के आयोजन होही। ए संबंध म सबो आवश्यक तैयारी पूरा कर ले जाये। एखर आलावा एक नवम्बर ले 21वां राज्य स्थापना दिवस म राज्य अलंकरण समारोह के घलो आयोजन होवइया हे ।
मंत्री भगत ह पार्किंग व्यवस्था, चिकित्सा सुविधा केंद्र, पुलिस नियंत्रण कक्ष समेत सबो जरूरी तैयारी पूरा रखे के निर्देस अधिकारी मन ल देहे। (chhattisgarh ) ए मउका म जनप्रतिनिधिगण समेत संस्कृति विभाग के संचालक विवेक आचार्य अउ संबंधित विभाग के अधिकारी उपस्थित रिहीन।
