जय जोहार…. (chhattisgarh) राज्य सरकार के तरफ ले कालेज म प्रवेश के तारिख ल 22 अक्टूबर ले बढ़ा के 29 अक्टूबर कर दे गे हे। प्रदेश के अलग-अलग विश्वविद्यालय के कुलपति के अनुमति ले महाविद्यालय के प्राचार्य मन के तरफ ले छात्र-छात्रा मन ल प्रवेश दे जाही।
(chhattisgarh) राज्य शासन के तरफ ले कोविड 19 महामारी ले उत्पन्न स्थिति के सती छात्र हित म ये निर्णय ले गे हे। कालेज म प्रवेश के तारिख ल 29 अक्टूबर तक बढ़ाय के संबंध म उच्च शिक्षा विभाग के तरफ ले मंत्रालय महानदी भवन ले आदेश जारी कर दे गे हे।
बता देन कि (chhattisgarh) उच्च शिक्षा विभाग के सचिव धनंजय देवांगन ह 9 अक्टूबर के मंत्रालय म वीडियो कांफ्रेंसिंग ले सबो विश्वविद्यालय के कुलपति अऊ विद्यालय के प्राचार्य ले कालेज म प्रवेश, आनलाइन क्लास, परीक्षा परिणाम अऊ पाठ्यक्रम के संबंध म चर्चा करे रिहिन। ए दौरान प्रवेश बर निर्धारित तिथि ल 22 अक्टूबर ले बढ़ा के 30 अक्टूबर तक करे के घलो सुझाव दे रिहिन।
No Comment! Be the first one.