जय जोहार रायपुर… मुख्यमंत्री के निर्देशानुसार पुलिस महानिदेशक डी.एम.अवस्थी ह आज बस्तर अंचल के कांकेर जिला के नक्सल प्रभावित क्षेत्र कोयलीबेड़ा पहुंच के बस्तर रेंज के पुलिस महानिरीक्षक सुन्दरराज पी. अऊ सीमा सुरक्षा बल के पुलिस महानिरीक्षक और उप पुलिस महानिरीक्षक के संग जिला पुलिस अधीक्षक मन के साथ नक्सल अभियान अऊ कानून व्यवस्था के समीक्षा करिस,
अवस्थी ह निर्देशित करिस कि पुलिस ल प्राप्त सूचना के जांच करत हुए सर्चिंग अभियान चलाए जाना चाही अऊ ये घलो ध्यान रखना हे कि पुलिस द्वारा चलाए जात सर्चिंग अभियान ले क्षेत्र के ग्रामीण जन ल कोई प्रकार के परेशानी अऊ असुविधा नई होना चाहि, ओमन किहीन कि अर्द्धशैनिक बल के जवान अऊ राज्य पुलिस के जवान के सुरक्षा घलो सुनिश्चित होना चाही, डीजीपी ह यहू किहिस कि चुनाव शांतिपूर्ण ढंग से सम्पन्न कराए जाए बर भारत निर्वाचन आयोग ह सराहना करे हे , राज्य पुलिस त्रिस्तरीय पंचायत के चुनाव ल घलो शांति पूर्ण अऊ निष्पक्ष ढंग ले सम्पन्न कराए ताकि राष्ट्रीय स्तर म छत्तीसगढ़ पुलिस के सक्रियता के पहचान बन सके.
