गिरफ्तारी ले बचे बर हाईकोर्ट के सरण म डॉ. पुनीत गुप्ता

 बिलासपुर म लगाइस अग्रिम जमानत याचिका

रायपुर. छत्तीसगढ़ के पूर्व मुख्यमंत्री डॉ. रमन सिंह के दामाद डॉ. पुनीत गुप्ता अब गिरफ्तारी ले बचे के कोशिश करे म लगे हे. रायपुर के डीकेएस अस्पताल म 50 करोड़ के गड़बड़ीअउ अनियमितता के मामला म फंसे डॉ.पुनीत गुप्ता ह एक बार फेर हाईकोर्ट म अग्रिम जमानत प्रस्तुत करिन.रायपुर के गोलबाजार थाना म पुनीत गुप्ता के खिलाफ अनियमितता अउ गड़बड़ी करे के आरोप म अपराध दर्ज करेगे हे.

फिलहाल पुलिस डॉ. पुनीत गुप्ता के तलाश म हवय. अब पुनीत गुप्ता ह गिरफ्तारी ले बचे बर हाईकोर्ट म जमानत याचिका पेश करिस हे.बता देवन, पुनीत गुप्ता ह हाईकोर्ट म अंतागढ़ टेपकांड मामला म आरोपी बनाए जाए के बाद घलो हाईकोर्ट म याचिका प्रस्तुत कर रखे हे. शनिवार के पेश करेगे याचिका म सुनवाई के तारीख अभु तय नइए. अइसे माने जात हे के डॉ. पुनीत गुप्ता के प्रस्तुत करेगे अग्रिम जमानत याचिका म सोमवार या मंगलवार के सुनवाई हो सकत हे.