सोना चांदी के गहना के संग आठ लाख नगद अऊ आठ चोर गिरफ्तार जेमा दू हे नाबालिग

जय जोहार कवर्धा …..ये घटना कवर्धा नगर के आय इंहा कुछ कई दिन से सूना घर म चोरी के वारदात होत रिहिस पुलिस थाना म शिकायत के लाइन लग गे, पुलिस ह ये चोरी के गुथ्थी सुलझाय बर टीम बनाइस अऊ टीम ह काम करना शुरू कर दिस, टीम ह देखिस कि नगर के कुछ युवक आय बांय खर्चा करत हे अऊ ऊंखर जीवन शैली बदल गे हे ,

पुलिस अपन जाल बिछाइस अऊ चोर मन जाल म फंस गे , एमा आठ चोर हे जेमा दू नाबालिग बताय जात हे , पुलिस ह एमन ले नगद अऊ सोना चांदी के जेवर बरामद करे हे, अतिरिक्त पुलिस अधीक्षक अनिल सोनी अऊ ऊंखर टीम के कार्य के प्रशंसा पुलिस अधीक्षक लाल उमेंद सिंह ह करे हे .