Korba म फेर हाथी के लईका के हो गे मौत, पढो पूरा खबर
जय जोहार…. (korba) प्रदेश म हाथी के मौत के सिलसिला ह नई थमत हे। कटघोरा वनमंडल के कोरबी सर्किल के लालपुर गांव म हाथी के लईका के मौत हो गे हे। आज बिहनिया केंदई रेंज के लालपुर जंगल म तालाब किनारे हाथी के लईका के शव मिले हे। हाथी के लईका के मौत होय के सूचना मिले म वन विभाग के टीम ह मऊका म पहुंच गे हे।
मिले जानकारी के मुताबिक (korba) कटघोरा वन मंडल म केदई रेंज के लालपुर गांव म सोमवार बिहनिया तालाब किनारे म हाथी के लईका के शव पड़े होय के सूचना मिले रिहिन। हाथी के लईका से सूंड़ म चोट के घलो निशान हे। जेखर ले आशंका जताय जावत हे कि लईका के मौत चोट लगे ले होय हे। हालांकि अभी स्थिति ह स्पस्ट नई हो सके हे।
गौरतलब हे कि (korba) कुछु माह पहिले घलो केंदई वन परिक्षेत्र के गांव कुल्हारिया म एक मादा हाथी क दलदल म फंसे ले मौत हो गे रिहिन। एखर बाद 17 अक्टूबर के पानी म डूबे ले हाथी के लईका के मौत होय रिहिस।
