‘आदिपुरुष’ ल लेके रमन सिंह बयान, कहिन- हिन्दुस्तान के संस्कृति म आज तक अईसन शब्द के नई होहे उपयोग, राम ल लेके आदर अऊ सम्मान होना चाही

रायपुर. फ़िल्म आदिपुरुष ल लेके पूर्व मुख्यमंत्री डॉ. रमन सिंह ह कहिन कि राम अऊ हनुमान के चरित्र म जेन तरह के चरचा अऊ बातचीत आवत हे, जेन प्रकार ले डायलॉग ओकर मन ले बुलवाए गे हे, आज तक हिन्दुस्तान के संस्कृति म अईसन शब्द के उपयोग नई करे गे हे। जन-जन म बसे राम उपरआदर अऊ सम्मान भाव ले सब कुछ होना चाही, फेर ओखर विपरीत कुछु भी होथे त भाजपा ह ओखर समर्थन नई करे।

‘आदिपुरुष’ ल लेकर मुख्यमंत्री भूपेश बघेल के बयान अऊ केंद्रीय मंत्री रेणुका सिंह के फ़िल्म उपर बैन ल लेके करे गे ट्वीट बर डॉ. रमन सिंह ह कहिन कि यदि प्रदेश सरकार ह देख ले हे अऊ ओला लागथे कि कुछु ठीक नई हे त ओला निर्णय लेना चाही।

केंद्रीय मंत्री मन के छत्तीसगढ़ दऊरा ल लेके पूर्व मुख्यमंत्री डॉ रमन सिंह ह कहिन कि हमर जम्मो वरिष्ठ नेतृत्व छत्तीसगढ़ आवत हे। अमित शाह अऊ राष्ट्रीय अध्यक्ष जेपी नड्डा छत्तीसगढ़ आवत हे। राजनाथ सिंह के घलो कार्यक्रम आ गे हे। महा जनसंपर्क अभियान बूथ स्तर के कार्यक्रम पूरा हो गे हे अब संभागीय स्तर काेसम्मेलन होना हे। एखर संगे-संग पूर्व मुख्यमंत्री ह कहिन कि ए सरकार ल लेके बड़ नाराजगी हे। जिहां हमन जावत हन जम्मो समाज के हर वर्ग म, चाहे अनुसूचित जाति हो, युवा हों या फेर महिला, जम्मो के मन म ए सरकार बर नाराजगी हे।