8 लाख के इनामी नक्सली दंपति समेत 4 झन करिस आत्मसमर्पन, बड़े- बड़े वारदात म रिहिन सामिल

बीजापुर। बड़े- बड़े वारदात ल अंजाम देवईया 11 लाख के 2 इनामी  नक्सली के संग 4 झन नक्सली मन ह आत्मसमर्पन करिस हे। एमा एक सेक्सन कमांडर अउ एक सेक्सन डिप्टी कमांडर घलोक शामिल हे।

चारो नक्सली मन बीजापुर एसपी दिव्यांग पटेल अउ सीआरपीएफ के डीआईजी कोमल सिंह के सामने आत्मसमर्पन करिन हे। आत्मसमर्पन करईया नक्सली मन म 8 लाख के इनामी गंगालूर दलम के सेक्सन कमांडर राकेश उइका, ओकर पत्नी एलओएस सदस्य सोमारी कडती, 3 लाख के इनामी सेक्सन डिप्टी कमांडर ककेम सुक्कू अउ जनमिलिशिया सदस्य बुधरू मोडियम सामिल हे। बताए जाथ हे कि ये नक्सली म बड़े- बड़े वारदात म शामिल रिहिन हे।