Raipur : मछली पालन के क्षेत्र म छत्तीसगढ़ ल मिलीन ‘बेस्ट इनलैंड स्टेट‘ अउ ‘बेस्ट प्रोप्राइटरी फर्म‘ के राष्ट्रीय पुरस्कार, पढ़व
जय जोहार। (Raipur ) छत्तीसगढ़ राज्य ल आज दमन म विश्व मत्स्यिकी दिवस के अवसर म मत्स्य पालन के क्षेत्र म बेस्ट इनलैंड स्टेट के पुरस्कार मिले हे । राष्ट्रीय मात्स्यिकी विकास बोर्ड डहार ले राष्ट्रीय पुरस्कार दे जाय के ये कार्यक्रम स्वामी विवेकानंद ऑडिटोरियम दुनेथा दमन म आयोजित करे गीन । ये पुरस्कार प्रदेस के डहार ले मत्स्य विभाग के संचालक एनएस नाग ह ग्रहण करीन ।
अतिथि मन के मौजूदगी म छत्तीसगढ़ राज्य ल ‘बेस्ट इनलैंड स्टेट‘ अवार्ड सम्मान के रूप म 10 लाख रुपिया के पुरस्कार अउ स्मृति चिन्ह भेंटकर सम्मानित करे गेहे । ए मउका म छत्तीसगढ़ राज्य के धमतरी जिला के बगौद गांव के मत्स्य पालन फर्म भारत बाला एक्वाकल्चर ल घलो ‘बेस्ट प्रोप्राइटरी फर्म‘ के रूप म दो लाख रुपिया के पुरस्कार अउ स्मृति चिन्ह प्रदान कर सम्मानित करे गेहे ।
मुख्यमंत्री भूपेश बघेल अउ कृषि मंत्री रविन्द्र चौबे ह मत्स्य पालन के क्षेत्र म छत्तीसगढ़ राज्य ल राष्ट्रीय स्तर के एक संग दू ठीन सम्मान मिले म विभाग के अधिकारी -कर्मचारी सहित मत्स्य पालन के क्षेत्र ले जुड़े सबो मनखे मन ल बधाई दीन हे ।
