Chhattisgarh: सरकार के बड़का फइसला, जूट बारदाना के कीमत ह 18 ले बाढ़के 25 रुपिया निर्धारित

जय जोहार…. छत्तीसगढ़ (Chhattisgarh) म आज ले धान के खरीदी सुरु हो गेहे। किसान मन ल अब बाढ़े बारदाना के कीमत घलो मिलही। मुख्यमंत्री भूपेश बघेल ह ट्वीट कर जानकारी दीन हे। अब किसान मन ल पुराना बारदाना बर पुराना दर 18 रुपिया के बजाय 25 रुपिया दे के निर्देस देहे। ए संबंध म खाद्य विभाग ह बुधवार के आदेस जारी कर देहे।

बता देन कि (Chhattisgarh) राज्य सासन डहार ले खरीफ विपणन बच्छर 2021-22 बर धान अउ मक्का खरीदी म उपयोग करे जवाइया पुराना जूट बारदाना के दर के निर्धारण कर दे गेहे। हरेक नग जूट बारदाना के संसोधित दर अब 25 रुपिया निर्धारित करे गेहे ।