सजाय मौत मिलिस निर्भया के बलात्कारी मन ल, बाईस जनवरी सुबह सात बजे झूलही फंदा म

जय जोहार रायपुर..सात साल अऊ सैतीस दिन बाद आखिर वो दिन आगे जेखर इन्तेजार निर्भया के रूह अऊ ओखर माता पिता ल रिहिस, आज पटियाला कोर्ट के ए डी जे सतीश अरोरा ह चारो आरोपी मन ल सजाय मौत के सजा दिस,ये मन ल बाईस जनवरी के बिहनिया सात बजे फंसी के फंदा म लटकाय जाहि.

आज ले सात साल पहिली देश के राजधानी दिल्ली म एक घटना ह सब ल झकझोर दे रिहिस जेमा निर्भया ल ये चारो अपराधी मन बहुत गन्दा तरीका ले दुष्कर्म करीन अऊ जान से मरे बर रोड म फेंक दे रिहिस.

ऊंखर गिरफ्तारी तो होगे रिहिस लेकिन हमर न्याय व्यवस्था म लचीलापन के कारण सात साल बाद ये अपराधी मन ल ऊंखर करनी के सजा मिलिस.