परी के रोल करके खूब तारीफ मिलत हे हेमलाल ल, मंदरा जी म निभाए हे “नाचा के परी” किरदार

एक समय रिहीस जब छत्तीसगढ़ के  गांव-गांव म नाचा के आयोजन होए अब तो उहु नंदावत जात हे, छत्तीसगढ़ के पहिली बायोपिक फिल्म मंदरा जी ह नाचा के जनक दाऊ दुलार सिंह मंदरा जी के जीवन म आधारित हे ये फिलिम म कलाकार हेमलाल कौशल ह एक परी के किरदार निभाए हे।नाचा म सब्बो कलाकार आदमी मन होथे औरत के वेशभूषा धर के आदमी ह औरत बनथे जेला परी कहे जथे । हेमलाल कौशल ह परी के किरदार म उम्दा अभिनय करे हे जेखर बर ओला खूब तारीफ मिलत हे।

एक संवाद जेमा हेमलाल ह हारमोनियम ल हरि ओम नम कथे ते ह काफी चर्चित होवत हे। हेमलाल के खाता म सैकड़ों फिलिम होही , वो तो भोजपुरी इंडस्ट्री म घलोक अपन अभिनय के डंका बजा डारे हे, हेमलाल ल हास्य अभिनय के संगे संग गंभीर अभिनय म घलोक महारथ हासिल हे।