बिलासपुर। पंजाब ब्लैकमेलिंग गिरोह के महिला आरोपी हा अपन अंडरगार्मेंट्स म 2.16 लाख रुपया लुका के राखे रिहिस। जेल म जांच के दौरान एकर पता चलिस। रकम ला जब्त कर लिए गे हे।
पंजाब ले शहर म आके लुकाए ये ब्लैकमेलिंग गिरोह के तीन सदस्य मन ला सिविल लाइन पुलिस हा शुक्रवार के गिरफ्तार करे रिहिस। एकर बाद पुलिस के हाथ कुछ नई लगिस अउ आरोपी मन ला कोर्ट म पेश करके जेल भेज दिए गिस।
पकड़े गे आरोपी मन म प्रियारानी वाधवान (26) पंजाब जिला जालंधर, थाना रामामंडी सरियन अलावनपुर वार्ड क्रमांक 8, अश्वनी कुमार (40) एचएन 135 ए गली नंबर 5 थाना रामामंडी जिला जालंधर पंजाब अउ अशोक कुमार सतोकपुरा वार्ड क्रमांक 8 थाना रामामंडी जिला जालंधर पंजाब शामिल हें।
शुक्रवार के पुलिस हा तीनों झल ला कोर्ट म पेश करिस। जिहां ले ओमन ला जेल भेज दिए गिस। जेल पहुंचिन त उंकर तलाशी ले गिस।
महिला आरोपी के जांच महिला जेलकर्मी मन करिन। वो हा अपन अंडरगार्मेंट्स म 2 लाख 16 हजार रुपया लुका के राखे रिहिस। ओला जब्त कर ले गिस। पुलिस ला ये रकम नई मिले रिहिस।
युवती अउ ओकर साथी मन के ऊपर आरोप हे कि पंजाब म बैंक मैनेजर के अभद्र फोटो खींचके ब्लैकमेल करत रिहिन। जेकर एवज म 7 लाख 10 हजार रुपया वसूले रिहिन। एफआईआर होए के बाद ले फरार रिहिन अउ इहां सर्चिंग के दौरान पकड़े गिन। तीनों के पकड़े जाए के सूचना पंजाब पुलिस ला दे दिए गे हे।
No Comment! Be the first one.