![छत्तीसगढ़ के बेटी ह यूरोप के 5642 मीटर ऊंचा शिखर म लहराईस हे तिरंगा india](https://jayjohar.com/wp-content/uploads/2019/07/india.jpg)
छत्तीसगढ़ के बेटी ह यूरोप के 5642 मीटर ऊंचा शिखर म लहराईस हे तिरंगा
रायपुर। रायगढ़ के रहइया याशी जैन ह यूरोप के सबले ऊंचा माउंट एलब्रुस पहाड़ के शिखर म चढ़ के भारत देश के तिरंगा झंडा ल फहराय म कामयाब होईस हे। अइसन करईया वो ह छत्तीसगढ़ के इकलौती बेटी हे। ये उपलब्धि बर मुख्यमंत्री भूपेश बघेल, विधानसभा अध्यक्ष डॉ. चरण दास महंत, खेल अउ युवा कल्याण मंत्री उमेश पटेल ह याशी ल बधाई दे हे।
छत्तीसगढ़ प्रदेश कांग्रेस स्पोर्ट्स सेल के अध्यक्ष प्रवीण जैन ह बतईस हे कि 1 जुलई के याशी ह यूरोप महाद्वीप के सबले ऊंचा माउंट एलब्रुस पहाड़ म चढ़े बर शुरू करीस अउ लगातार 5 दिनों तक चढ़ई करीस, जेमा अभ्यास सत्र घलो शामिल हे। 6 जुलई के 5642 मीटर ऊंचे शिखर म चढ़ के भारत देश के तिरंगा झंडा ल फहरा के खुशी जाहिर करीस। याशी ह संकल्प ले हे कि वो ह विश्व के 7 महाद्वीपों के सबले ऊंचा पहाड़ म चढ़ही अउ भारत के तिरंगा ल लहराही। वो ह अपन पहिली परयास में ही यूरोप महाद्वीप के माउंट एलब्रुस ल फतह करिन हे। याशी ह रशिया के मास्को ले होके यात्रा शुरू करिन हे अउ वो ह अवैय्या मंगलवार के भारत पहुंचही।