Raipur: आवेदक अऊ पक्षकार ल नई लगाय ल पड़ही पटवारी के चक्कर, अब काम होही आनलाइन, पढ़व

जय जोहार…. राजस्व मामला नामांतरण, बंटवारा, सीमांकन समेत दूसर कार्य के सुचारू अऊ तुरंत निराकरण बर रायपुर (Raipur) जिला प्रशासन के तरफ ले रायपुर तहसील बर पटवारी सत्यापन अऊ निगरानी प्रणाली वेब एप्लीकेशन बनाय गे हे। प्रदेश बर ये अपन तरह के पायलट प्रोजेक्ट हे।

(Raipur) कलेक्टर डॉ एस भारतीदासन अऊ सहायक कलेक्टर नम्रता जैन के मार्गदर्शन म जिला सूचना विज्ञान केंद्र रायपुर के तरफ ले पटवारी सत्यापन अऊ निगरानी प्रणाली साप्टवेयर तैयार करे गे हे। एखर बर कलेक्टोरेट म पटवारी मन ल प्रशिक्षण दे गे हे।

(Raipur) ए प्रणाली ल बनाय के उद्देश्य आवेदक अऊ पक्षकार के न्यायालयीन प्रकरण अऊ कार्यालयीन आवेदन के निराकरण बर अनिवार्य पटवारी के प्रतिवेदन ल आनलाइन प्रणाली ले शीघ्र अऊ सरलता ले प्राप्त करना हे, जेखर ले आवेदक अऊ पक्षकार ल पटवारी के पास जाय के आवश्यकता ले मुक्ति मिल सकही।