अब जल्द होही शिकायत म एक्शन, जगदलपुर एसपी ह करिन स्पेशल सेल के गठन 

जगदलपुर। जिला म अब्बड़ समय ले अटके शिकायत के जल्दी निपटारा करे बर एसपी दीपक झा ह स्पेशल सेल के गठन करिन हे। ये सेल के खास बात हे हाबय कि एमा पुलिस विभाग ले लेके दीगर क्षेत्र के शिकायत घलो लोगन मन कर सकत हे, जेमा जल्दी से जल्दी एक्शन ले जाहि।

एसपी झा ह बतईन हे कि सेल ल बनाए के पाछू म ओखर मंशा ये हवय कि लोगन ल उंखर शिकायत पर जल्द राहत मिलय। लोगन ह थाना म शिकायत करथे, जेमा कई ठन अहम मामला म एक्शन नई हो पावय। अईसे म जरूरी हे कि वो कोनो अउ जगह घलो अपन बात ल रख सकय।

झा ह बतईन हे कि ये स्पेशल सेल म वर्तमान म चार एसआई लेबल के अधिकारी होही। शिकायत के बाद स्पेशल सेल के टीम ह मामला के  सच्चाई जाने बर मौका म जाहि। एखर बाद सच्चाई के पता लगाके संबंधित थाना म कार्रवाई करे बर मामला ल आघू  बढ़ाए जाहि।