रायपुर। सीडीकांड मामला म सीबीआई ह भाजपा नेता कैलाश मुरारका अउ ओकर बेटा ले पूछताछ करिस हे। मामला म संदेही रिंकू खनूजा के आत्महत्या के बाद सीबीआई के जांच सुस्त पड़ गे रहिस हे, लेकिन अब एक बार फेर ले सीबीआई सक्रिय होइस । दूसर ओर ये सेक्स सीडी कांड ल लेके भाजपा अउ कांग्रेस एक बार फेर आमने सामने हे।
मंत्री राजेश मूणत के कथित सेक्स सीडीकांड मामला के जांच करत सीबीआई ल लगभग 8 महीना हो चुके हे। ये मामला म सीबीआई ह भाजपा नेता कैलाश मुरारका अउ ओकर बेटा ले पूछताछ करिन हे। कुछु संदेही मन ह कैलाश मुरारका के बेटा के नाम घलो बताइस हे। सीडी के टेंपरिंग म इकर भूमिका संदिग्ध हे, जेकर जांच सीबीआई करत हे। पूछताछ के दउरान एक संदेही रिंकू खनूजा के आत्महत्या कर ले के बाद सीबीआई के जांच थोड़ा धीमा पड़ गिस हे, लेकिन एक बार फेर सीबीआई जांच म आघू बढ़त हे। बताय जात हे के सीबीआई ये मामला म जल्द चालान पेश कर सकत हे। उहें भाजपा नेता ले पूछताछ के बाद कांग्रेस ह ये मामला म प्रतिक्रिया देवत हुए येला भाजपा नेता मन के आपसी लड़ाई कहिन हे। कांग्रेस प्रवक्ता सुशील आनंद शुक्ला के कहिना हे के भाजपा नेता मन म अंतरकलह हे। येकर चलत ही सीडी कांड होइस हे।
वहीं भाजपा ये मामला म सफाई देवत हे के सीबीआई के पूछताछ ले कोनो के खेलाफ आरोप सिद्ध नइ होवय। भाजपा प्रवक्ता सच्चिदानंद उपासने के कहिना हे के मामला म सुरू ले कांग्रेस नेता अउ उंखर रिश्तेदार के नाम हे। सीबीआई अपन जांच करत हे। जांच के बाद स्थिति स्पष्ट हो जाही।
Other Articles
छत्तीसगढ़ी भाखा ले स्कूल मन म नइ होवत हे पढ़ाई
No Comment! Be the first one.