फिलिम लाइन म किरन नाम मोर बर शुभ हे — मुस्कान

आई लव यू टू म मुख्य अभिनेत्री के किरदार निभईया मुस्कान साहू ह किहीस कि फिलिम लाइन म किरन नाम ओखर बर शुभ हावे , ये गोठ मुस्कान ह आई लव यू टू के सफलता बर किहीस काबर की ओखर फिलिम बी ए फर्स्ट ईयर म घलोक किरन नाम रिहिस, वो फिलिम सुपरहिट होए रहीस ओला आज भी यूट्यूब म देखे जाथे।

अभी राज्य के 39 सिनेमा घर म आई लव यू टू प्रदर्शित होए हे फिलिम ल शानदार ओपनिंग मिले हे, अवईया पंद्रह अगस्त के राखी पड़त हे जेला ले के फिलिम के कलाकार मन बहुत उत्साहित हे, ये फिलिम म मुस्कान के ऑपोजिट सुपरस्टार मन कुरैशी हावे, जेखर हंस झन पगली आज भी धूम मचावत हे, आई लव यू टू म उपासना वैष्णव अउ उर्वशी साहू के कॉमेडी दर्शक मन ल लोटपोट करत हे।