Korba म दिनदहाड़े 95 हजार के हो गे लूट, दू बाइक सवार लूटेरा मन दे हे वारदात ल अंजाम

जय जोहार…. कोरबा (Korba) म दिनदहाड़े 95 हजार रुपया लूट के मामला सामने आय हे। आज लगभग 11.45 बजे कोतवाली थाना क्षेत्र के मानिकपुर पुलिस चौकी ले कुछु कदम दूर लूटेरा मन ह तमंचा के नोक म 95 हजार रुपया लूट के फरार हो गे हे।

मिले जानकारी के मुताबिक (Korba) मोबाइल दुकान संचालक अंकित केसरवानी ह अपन भाई के दिए पैसा ल निहारिका क्षेत्र के शहीद भगत सिंह कालोनी म रहवइया एक व्यक्ति के घर ले लाय बर गे रिहिन। जब ओ हा पैसा ल ले के वापस लहुटत रिहिन, तब रास्ता म एसईसीएल आफिसर्स मानिकपुर पुलिस चौकी ले सिरिफ 250 मीटर दूर दू नकाबपोश बाइक सवार युवक मन ह अंकित के रास्ता ल रोक लिस।

(Korba) लूटेरा मन ह हथियार के बल म अंकित के स्कूटी के डिक्की ल खोलवा के ओमा रखे 95 हजार रुपया नगद, गले म पहने चेन अऊ हाथ ले सोना के अंगुठी ल लूट के फरार हो गे। सूचना म पुलिस के टीम ह मऊका म पहुंचिस।