मुखबिरी के शक म नक्सली मन दु झन गांव वाले ल उतारिस मउत के घाट

बीजापुर। बीजापुर जिला म बेदरे इलाका म नक्सली मन ह जन अदालत लगइस अउ मुखबिरी करे के शक म दु झन निरदोष गांव वाले मन ल मउत के घाट उतार दिस। उहां ये भी कहा जाथ हे कि सुरक्षा बल मन ह कुछ नक्सली मन ल गिरफ्तार करे रिहिस, जेखर ले नक्सली मन ह आक्रोशित हो गे अउ गांव वाले मन उपर मुखबिरी करे के शक करत रिहिस। पुलिस ह एक झन गांव वाले के शव ल बरामद कर ले हे अउ एक झन के शव ल खोजत हे। नक्सली मन के ये हरकत ल देख के सुरक्षा बल ह इलाका म सर्चिंग ल तेज कर दे हे।