chhattisgarh : सीएम भूपेश बघेल ह करीन घोसना, 26 जनवरी के जारी होही मजदूर न्याय योजना के पहला क़िस्त, पढ़व

जय जोहार…. (chhattisgarh) मुख्यमंत्री भूपेश बघेल ह किहीन कि राजीव गांधी ग्रामीण भूमिहीन कृषि मजदूर न्याय योजना के हितग्राही मन ल गणतंत्र दिवस के अवसर म पहला किस्त के भुगतान करे जाही। ए योजना ले प्रदेस के 3 लाख 56 हजार 485 पात्र परिवार ह लाभान्वित होही। ए परिवार मन ल सालाना 6 हजार रुपिया के आर्थिक सहायता दे जाही।

(chhattisgarh) मुख्यमंत्री बघेल ह आज अपने निवास कार्यालय म आयोजित आने आने विभाग के समीक्षा बइठक में ये घोसना करीन। राज्य सरकार डहार ले राजीव गांधी ग्रामीण भूमिहीन कृषि मजदूर न्याय योजना बर 1 सितम्बर 2021 ले 30 नवम्बर 2021 तक हितग्राही मन के पंजीयन करे गये रिहीस। ए योजना के क्रियान्वयन बर राज्य सासन के बजट म प्रावधान करे गेहे।

ए अवसर म कृषि मंत्री रविन्द्र चौबे, मुख्यमंत्री के सलाहकार प्रदीप शर्मा, विनोद वर्मा, राजेश तिवारी, मुख्य सचिव अमिताभ जैन, (chhattisgarh) अपर मुख्य सचिव रेणु जी पिल्ले, सुब्रत साहू, प्रमुख सचिव डॉ. आलोक शुक्ला, कृषि उत्पादन आयुक्त डॉ. कमलप्रीत सिंह, सचिव वित्त अलरमेल मंगई डी., राजस्व सचिव एन .एन.एक्का, मुख्यमंत्री के सचिव सिद्धार्थ कोमल परदेशी, गोधन न्याय योजना के नोडल अधिकारी डॉ. एस. भारतीदासन उपस्थित रिहीन ।