chhattisgarh म कुपोसण मुक्ति अभियान ल बड़का सफलता, अढ़ई बच्छर म करीबन एक लाख 60 हजार लईका मन होगे कुपोसण मुक्त
जय जोहार…. मुख्यमंत्री भूपेश बघेल के नेतृत्व म छत्तीसगढ़ (chhattisgarh ) म सुरु हुये कुपोसण मुक्ति अभियान के सकारात्मक परिणाम सामने आय हे। राष्ट्रीय परिवार स्वास्थ्य सर्वेक्षण-5 के 2020-21 म जारी रिपोर्ट के अनुसार प्रदेस म 5 बच्छर तक के लईका मन के वजन के आंकड़ा देखे जाये त कुपोसण के दर 6.4 प्रतिसत कमती होके 31.3 प्रतिसत हो गेहे। ये दर कुपोसण के राष्ट्रीय दर 32.1 प्रतिसत ले घलो कमती हे।
बच्छर 2015-16 म जारी राष्ट्रीय परिवार स्वास्थ्य सर्वेक्षण-4 के अनुसार प्रदेस म 5 बच्छर तक के लईका मन में वजन के अनुसार कुपोसण के दर 37.7 प्रतिसत अउ राष्ट्रीय कुपोसण दर 35.8 प्रतिसत रिहीस। (chhattisgarh ) बच्छर 2020-21 के आंकड़ा के अनुसार राष्ट्रीय कुपोसण के दर म जिहां सिरिफ 3.7 प्रतिसत के कमी आईस अउ कुपोसण 32.1 प्रतिसत हे, उहें छत्तीसगढ़ ह 6.4 प्रतिसत कमी लाय म सफलता पाईस हे।
उल्लेखनीय हे कि सीएम श्री बघेल के पहल म महात्मा गांधी के 150वीं जयंती 2 अक्टूबर 2019 ले प्रदेस व्यापी मुख्यमंत्री सुपोसण अभियान सुरु करे गीस । (chhattisgarh ) एखर तहत आने आने योजना ल एकीकृत करे के संग समन्वित परयास करे गीस। जेखर परिणामस्वरू प्रदेस के लगभग एक लाख 60 हजार लईका मन ह कुपोसण ले मुक्त हो गेहे।
