बेंगलुरू ले विशेष विमान ले छत्तीसगढ़ पहुंचिस 175 प्रवासी मजदूर, कांग्रेस कमेटी के सदस्य मन ह करिन स्वागत

जय जोहार…. बेंगलुरू म फंसे छत्तीसगढ़ के 175 मजदूर मन के घर वापसी होय हे। ए सब्बो मजदूर ह बेंगलुरू ले विशेष विमान ले रायपुर पहुंचिस। ए मजदूर मन ल छत्तीसगढ़ के अलग-अलग जिला म क्वारेंटाइन करे जाही। प्रवासी मजदूर मन के रायपुर पहुंचे म विमानतल म जिला कांग्रेस कमेटी ह स्वागत करिन।

विमान ले पहुंचे मजदूर मन म बलौदाबाजार के 56, बलरामपुर के 9, बिलासपुर के 21, जांजगीर-चांपा के 59, कोरबा अऊ कांकेर के 2-2, राजनांदगांव के पांच, बस्तर, सूरजपुर अऊ दुर्ग के एक-एक, रायगढ़ के 12 अऊ रायपुर के छह शामिल हे।