Raipur : मंत्री अनिला भेंड़िया ह वॉटर स्टोरेज टैंक के गाड़ी ल हरी झंडी दिखाके करीन रवाना
जय जोहार। (Raipur) महिला अउ बाल विकास मंत्री अनिला भेंड़िया ह आज रायपुर के फॉरेस्ट कॉलोनी के अपन निवास कार्यालय ले आंगनबाड़ी म पेयजल व्यवस्था बर स्टेनलेस स्टील के वॉटर स्टोरेज टैंक बर गाड़ी ल हरी झंडी दिखाके रवाना करिन। आईसीआईसीआई फाउंडेशन के सहयोग ले सीएसआर मद ले 1500 लीटर क्षमता के ये मेडिकल ग्रेड स्टेनलेस स्टील वॉटर स्टोरेज टैंक प्रदेस के तीन ठीन जिला रायपुर, दुर्ग अउ बालोद के 210 आँगनबाबाड़ी म लगाए जाही । एखर ले आंगनबाड़ी म लईका अउ आम मनखे मन ल स्वच्छ जल उपलब्ध हो सकही ।
मंत्री श्रीमती भेंड़िया ह किहीन कि दूषित जल ले कई बीमारी हो सकत हे । एला देखत हुए महिला अउ बाल विकास विभाग डहार ले आईसीआईसीआई बैक के माध्यम ले आंगनबाड़ी म नन्हें लईका मन बर शुद्ध पेयजल के व्यवस्था करे जात हे । सीएसआर मद ले प्रदेश के 210 आंगनबाड़ी म स्टेनलेस स्टील के वॉटर स्टोरेज टैंक लगाए जाही । एखर ले लईका मन ल स्वच्छ जल मिल सकही ।
श्रीमती भेंड़िया ह वॉटर स्टोरेज टैंक प्रदान करे बर आईसीआईसीआई बैक अउ आईसीआईसीआई फाउंडेशन के आभार जताइन । ए अवसर म महिला अउ बाल विकास विभाग के संचालक दिव्या उमेश मिश्रा, आईसीआईसीआई बैंक अउ फाउंडेशन के वरिष्ठ अधिकारी, महिला अउ बाल विकास विभाग के अधिकारी, आंगनबाड़ी कार्यकर्ता अउ सहायिका मौजूद रिहीन ।
