आइसोलेशन के दूसर दिन मंत्री डहरिया अऊ ओखर बेटी पूरा तरह ले स्वस्थ, लंदन ले लहुटे रहिस बेटी

जय जोहार रायपुर…. कोरोना वायरस के मद्देनजर नगरीय प्रशासन मंत्री डॉ. शिवकुमार डहरिया अपन बेटी के संग आइसोलेशन म चले गे हे। मंत्री डहरिया ह बताइस ह मन दुनो दूसर दिन पूरा तरह ले स्वस्थ हे। मंत्री डहरिया ह बताइस कि बेटी के लंदन ले लहुटे के बाद ओला ले बर दिल्ली गे रहेव। इसलिए मे हा घलो खुद ल अलग कर ले हो।

सरकार के एडवाइजरी के हिसाब ले ए कदम उठाए हे। वो हा कहिन कि बेटी के जांच दिल्ली म होए रहिस। वो पूरा तरह ले ठीक हे। एयरपोर्ट म ऊहां कड़ी जांच होवत हे। रायपुर एयरपोर्ट म हमर मन के दोबारा जांच होए हे। ह मन दुनो पूरा तरह ले स्वस्थ हे।

बता देन कि मंत्री डहरिया ह राज्यसभा सांसद केटीएस तुलसी के सर्टिफिकेट ल छोड़े बर दिल्ली गे रहिस। ऊहीं दिल्ली म ओखर बेटी के विदेश ले लहुटे के बाद मंत्री डहरिया ह ओखर संग म रायपुर लहुटे हे। ओखर बेटी के दिल्ली अऊ रायपुर म थर्मल स्क्रिनिंग करे गिस, जेमा कोनो प्रकार के लक्षण परिलक्षित नई होए हे। फेर घलो सावधानी रखत हुए मंत्री डहरिया ह अपन बेटी के संग सेल्फ क्वारंटाइन म चले गे हे।