स्वास्थ्य मंत्री सिंहदेव ह कहिन – अफवाह ले रहे सावधान, छत्तीसगढ़ म अब तक नई हे कोरोना के कोनो दूसर मरीज
जय जोहार रायपुर…. प्रदेश के स्वास्थ्य मंत्री टीएस सिंहदेव ह कहिन कि छत्तीसगढ़ म कोरोना वायरस ल लेके सोशल मीडिया म सरलघा फैलत अफवाह म ध्यान नई दे बर हे। प्रदेश म अब तक कोरोना ले दूसर मरीज के पुष्टि ह नई होए हे। स्वास्थ्य विभाग ह एखर ले जुड़े कोनो प्रकार ले जानकारी ल नई छुपाही। यदि कोरोना वायरस ल लेके कोनो घलो अपडेट आत हे, त ओला सार्वजनिक करना होही।
स्वास्थ्य मंत्री सिंहदेव ह स्वास्थ्य विभाग द सख्त निर्देश देत हुए कहिन कि कोनो प्रकार के जानकारी या आकड़ा ल छुपाए नई जाही। प्रदेश म अब तक कोरोना के दूसर पाजिटिव मरीज नई आए हे। जनता ल घबराए के जरूरत नई हे। सावधानी ल बरते बर के जरूरत हे। शहर के लोग घर म रहे, बाहर के लोग मन ले संपर्क करे ल बचे। सावधानी बरते म ही ए संक्रमण ले बचे जा सकत हे।
स्वास्थ्य मंत्री ह कहिन कि रायपुर के एक युवती जेमा कोरोना पाजिटिव पाए गे हे, ओखर हालत स्थिर हे। ओखर माता-पिता के रिपोर्ट घलो निगेटिव आए हे। ओमन ल आइसोलेशन वार्ड म रखे गे हे। मंत्री सिंहदेव ह प्रदेश के जनता ले पूरा तरह ले सावधानी बरते बर अपील करे हे।
