मितानी निभावत हे मितान त लोगन मन के पीरा ल घर पहुंच हरत हे भूपेश सरकार

• 67 हजार लोगन तीर पहुंच गे मितान, 46 लाख लोगन तीर मुफ्त इलाज बर पहुंचिस एम्बुलेंस
• श्री धनवंतरी जेनेरिक मेडिकल स्टोर्स म दवा खरीद के छत्तीसगढ़िया मन के बांच गे 96.20 करोड़ रुपिया
• अस्पताल अऊ शासकीय कार्यालय मन म लंबा लाईन ले अब मिलगे छुटकारा

छत्तीसगढ़ म भूपेश बघेल सरकार ह लोगन मन के बेरा, पईसा अऊ मिहनत ले राहत दे बर मुख्यमंत्री मितान योजना चलाईस जेखर मितानी ले लोगन मन ल बड़ सुविधा मिलत हे। अईसनहा मुख्यमंत्री स्लम स्वास्थ्य योजना, दाई-दीदी क्लिनिक अ श्री धनवंतरी मेडिकल जईसे सुघ्घर उदिम करिन जेखर नतीजा ए होईन कि अब लोगन मन ल बीमारी-हारी म बड़ राहत मिलत हे। ए योजना ह नगरीय प्रशासन विभाग कोती ले संचालित करे जात हे। अऊ एखर ले शासकीय कार्यालय अऊ अस्पताल म होवईया परेशानी ले लोगन मन ल राहत मिलत हे। घर बईठे अब लोगन मन सरकारी दस्वावेज बनाए के बुता कर लेत हे उहें अनावश्यक खरचा ले छुटकारा मिलिस ओ गोठ अलग। बता देवन कि मुख्यमंत्री मितान योजना ल मई 2022 म शुरू करे गे रिहिन।

मितानी निभावत हे मितान

घर-घर पहुंचत हे मितान

राज्य सरकार कोती ले ए महत्वाकांक्षी योजना आम लोगन मन ल सुविधा दे के उद्देश्य ले संचालित करे जावत हे ताकि लोगन मन ल शासकीय सेवा के लाभ उठाए बर बार-बार नगर निगम अऊ तहसील के संगे-संगे दुसर कार्यालय म चक्कर नई लगाना पड़े। प्रदेश के 14 नगर पालिका निगम म मितान योजना चलत रिहिस।अब ए योजना के दायरा ल बढ़ाके सीएम बघेल ह 44 नगर पालिका म घलो एला लागू कर दे हे। योजना के पहिली चरण म 13 नागरिक सेवा ल शुरू करे गे हे। ए योजना ले 67 हजार ले जादा लोगन मन लाभान्वित होए हे। ए लोगन मन ल घर बईठे शासकीय दस्तावेज के सुविधा मिले हे। योजना ले अब तक 72 हजार ले ज्यादा लोगन मन टोल फ्री नंबर 14545 म फोन करके जानकारी पाए हे। योजना के उद्देश्य होम डिलीवरी मॉडल के मदद ले नागरिक मन ल लगभग 100 सरकारी दस्तावेज बनाए के सुविधा देना हे। एखर सती ए योजना ह दिहाड़ी मजदूर, किसान, महिला अऊ आम लोगन मन के समय अऊ मेहनत के बचत बर कारगर होवत  हे। वरिष्ठ नागरिक, दिव्यांक, शारीरिक रूप ले कमजोर वर्ग के मनखे मन कार्यालय के चक्कर नई लगा सके जेखर मन बर ए योजना ह बरदान बन गे हे।

बेरोजगार युवा मन ल मौका, बन गे मितान

मुख्यमंत्री मितान योजना ले लोगन मन ल सेवा उपलब्ध कराए बर बेरोजगार युवा मन ल मितान एजेंट के रूप म तैनात करे गे हे। जेन मन ह आवश्यक कागजात झोंके अऊ दस्तावेज तैयार होए के बाद ओखर डिलिवरी करत हे। ए योजना ले युवा मन ल रोजगार के अवसर तो मिले हे संगे-संग आम लोगन मन ल सरकारी सेवा घर पहुंच मिलत हे।

ए बुता होवत हे

ए योजना ह राज्य सकरा के सुघ्घर पहल हे। एखर तहत लोगन मन ल ओखर घर म ही बिना झंझट के जन्म प्रमाण पत्र, मृत्यु प्रमाण पत्र, विवाह प्रमाण पत्र, मूल निवास प्रमाण पत्र, जाति प्रमाण पत्र, आय प्रमाण पत्र, दुकान स्थापना, आधार कार्ड पंजीकरण (5 बछर तक के लईका मन बर) आधार के मोबाइल नंबर म सुधार जईसे कई जरूरी प्रमाण पत्र के सुविधा दे जात हे। उहें बिहाव अऊ मृत्यु प्रमाण पत्र म सुधार जईसे महत्वपूर्ण सेवा घलो दे जात हे।

अईसे ले सकत हो सुविधा

मुख्यमंत्री मितान योजना के लाभ ले बर आवेदक ल मितान सेवा के अपाईन्टमेंट बुक करे बर टोल फ्री नंबर 14545 म फोन करना होथे। अऊ जेन प्रमाण पत्र के सुविधा चाहत हे ओला कॉल सेंटर के प्रतिनिधि ल बता सकत हे। कॉल करे के बाद मितान प्रतिनिधि बताथे कि सेवा के लाभ ले बर 50 रुपिया के शुल्क के संगे संग अमुक-अमुक दस्तावेज ले तैयार रखें। ओखर बार मितान प्रतिनिधि तय बेरा म आवेदक के घर पहुंचके दस्तावेज ल कलेक्ट करथे। प्रमाण पत्र बन जाए के बाद ओला घर तक छोड़के घलो आथे।  

44 लाख से ज्यादा मरीज मन के निशुल्क इलाज

मुख्यमंत्री स्लम स्वास्थ्य योजना ले स्लम बस्ती म रहवईया गरीब परिवार मन ल निशुल्क उपचार के सुविधा दे जात हे। प्रदेश म अब तक 58 हजार ले ज्यादा शिविर आयोजित करे जा चुके हे। ए शिविर ले 44 लाख ले ज्यादा मरीज मन ल निशुल्क इलाज के सुविधा दे गे हे। एखर संगे-संग 10 लाख 69 हजार मरीज मन ल निशुल्क पैथालाजी टेस्ट अऊ 37 लाख 71 हजार मरीज मन ल दवा के वितरण करे गे हे। अब 120 मोबाईल यूनिट के माध्यम ले झुग्गी बस्ती म निशुल्क परामर्श, इलाज, दवाई अऊ पैथोलाजी लैब के सुविधा नगरीय निकाय मन म उपलब्ध हे। ए योजना के उद्देश्य नगरी निकाय म रवईया गरीब परिवार ल ओखरे घर के तीर म स्वास्थ्य सुविधा उपलब्ध कराना हे। योजना के विस्तार करे के उद्देश्य ले नगर पालिका परिषद अऊ नगर पंचायत म 31 मार्च 2022 ले योजना ल संचालित करे गे हे। योजना ले पात्र जम्मो हितग्राही मन निकाय क्षेत्र के रहवईया आए। एमा स्लम एरिया म रहवईय़ा नागरिक मन ल प्राथमिकता दे जाथे।

53 लाख लोगन मन ल सस्ता दवई

श्री धनवंतरी जेनेरिक मेडिकल स्टोर्स योजना ले  प्रदेश के जम्मो नगरीय निकाय म 195 मेडिकल स्टोर शुरू करे गे हे। ए दुकान म 329 जेनेरिक दवा, 28 सर्जिकल जिनिस उपलब्ध हे। योजना म आम लोगन मन ल ब्रांडेड जेनेरिक दवई अऊ सर्जिकल जिनिस ल सस्ता म नियमित उपलब्ध कराए के उदिम ल शुरू करे गे हे। दुकान मन म शासकीय डाक्टर मन ल पर्ची म जेनेरिक दवई लिखे के अनिवार्यता दे गे हे। श्री धनवंतरी जेनेरिक मेडिकल स्टोर ले 155 करोड़ 54 लाख रुपिया के दवई एमआरपी म बेचे ले 53 लाख ले ज्यादा हितग्राही मन के 96 करोड़ 20 लाख रुपिया के राशि के बचत होए हे। दवा मन के गुणवत्ता ल सुनिश्चित करे बर ए दुकान मन म ख्यातिप्राप्त कंपनी मन के जेनेरिक दवई उपलब्ध कराए के शरत राखे गे हे। इहां उपलब्ध दवई मन में सर्दी, खांसी, बुखार, ब्लड प्रेशर, इंसुलीन आदि सम्मिलित हे। संगे-संग गंभीर बीमारी के दवा, एंटीबायोटिक, सर्जिकल आइटम म 50 प्रतिशत के भारी छूट दे जात हे।

1.47 लाख दाई-दीदी तीरन पहुंचिस स्वास्थ्य सेवा

दाई-दीदी क्लीनिक योजना ले महिला स्टाफ के संग मेडिकल यूनिट ह झुग्गी बस्ती म जाके दाई-दीदी मन के इलाज करत हे। अब तक 2,036 शिविर के माध्यम ले 1.47 लाख हजार महिला मन के निशुल्क चिकित्सा उपलब्ध कराए गे हे। योजना म शिविर लगाके अब तक 29 हजार ले ज्यादा महिला मन के लैब टेस्ट अऊ 1.44 लाख ले ज्यादा महिला मन ल निशुल्क दवा बांटे गे हे।