विधायक ह कोन कार्यालय म जडीस ताला , कारण रिहिस बार बार होवत दुर्घटना

दीपक बावनकर@रायपुर रायपुर के टाटीबंध चौक असन खतरनाक चौक कोनो नइ होही ,ये बात म सौ फ़ीसदी सच्चाई हावे काबर कि वो चौक म आये दिन दुर्घटना होत रहिथे जेमा कतको मनखे मन अपन जान गँवा चुके हे , दुर्घटना के कारण उंहा रहैय्या वाला मन राष्ट्रिय राजमार्ग के रखरखाव ल मानत हे जेखर शिकायत ले के वो मन क्षेत्रीय विधायक विकास उपाध्याय कर गिन ,ओखर बाद स्वयं विधायक ह चौक म जा के स्थिति के जायजा लिस अऊ पाईस कि वाकई म सड़क के हालत ख़राब हे अऊ वो भी नेशनल हाइवे के ,विधायक ह ये बात के शिकायत नेशनल हाइवे के इन्हा के अधिकारी मन कर करिस ,लेकिन वो मन लगातार होवत दुर्घटना ले कोनो सीख नइ लिस ,ते पाए के सोमवार के विधायक ह अपन संग टाटीबंध के लोगन मन ल ले जा के नेशनल हाइवे के क्षेत्रीय कार्यालय म जबरिया घूस के ताला जड़ दिस अऊ किहिस की ये मन जब कुछु नइ कर सके त इन्हा ये ऑफिस के काय जरूरत… सुनो का कहत हे रायपुर पश्चिम के युवा विधायक ह