Corona: देश म 24 घंटा म सामने आय हे 3.6 लाख ले जादा नवा मामला, पढ़व

जय जोहार…. देश म कोरोना (Corona) संक्रमण के मामला ह कम होय के नाव नई लेवत हे। देश म पिछिले 24 घंटा म कोरोना के 3.6 लाख ले जादा नवा मामला दर्ज करे गे हे। उहचे 3 लाख 732 संक्रमित मन ल बने होय के बाद अस्पताल ले छुट्‌टी दे दे गे हे। जबकि इलाज के दौरान 3417 मरीज मन ह दम तोड़ दे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 3 लाख 68 हजार 147 नवा मामला मिले हे। एला मिला के कोरोना संक्रमण के मामला ह बाढ़ के 1 करोड़ 99 लाख 25 हजार 604 हो गे हे। जेमा ले 34 लाख 13 हजार 642 एक्टिव मामला हे।

उहचे 1 करोड़ 60 लाख ले जादा मरीज मन ह कोरोना ले जंग जीत गे हे, ओ मन ल अस्पताल ले डिस्चार्ज कर दे गे हे। ए वायरस ले देश म अब तक 2 लाख 18 हजार 959 मरीज मन के मौत हो गे हे।