Corona: देश म बीते 24 घंटा म सामने आय हे 45674 नवा मरीज, 559 लोगन मन के हो गे मौत

जय जोहार…. देश म पिछिले 24 घंटा म कोरोना (corona) के 45 हजार ले जादा नवा मरीज के पहचान होय हे। उहचे इलाज के दौरान 559 लोगन मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 45674 नवा मरीज मिले हे। एला मिला के कोरोना संक्रमित मन के संख्या ह बाढ़ के 85 लाख 07 हजार 774 पहुंच गे हे। जेमा ले 5 लाख 12 हजार 665 एक्टिव मामला हे।

उहचे 78 लाख 68 हजार 968 लोगन मन ह कोरोना (corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस से देश म अब तक 1 लाख 26 हजार 121 लोगन मन के मौत हो गे हे।