मिसेज इंडिया के दू दू ठन ख़िताब जीत के आये हे रायपुर के वर्षा ह …

दीपक बावनकर@रायपुर मिसेज इंडिया गार्जियस अऊ मिसेज इंडिया एक्सोटिक २०१९ के खिताब जितैय्या रायपुर के वर्षा चौधरी ह सुन्दरता के क्षेत्र म छत्तीसगढ़ के नाम रोशन कर दिस हे ,ओ ह जेन प्रतियोगिता म हिस्सा ले रिहिस ओमा ६५ जगह ले एक ले बढ़ के एक सुन्दर श्रीमती मन आये रिहिस ,सब ल पछाड़ के वर्षा ह प्रतियोगिता के क्राउन अपन सिर म सजा लिस

वर्षा ह किहिस कि प्रतियोगिता के दौरान ओ मन ल बहुत कम सुते ल मिले अऊ प्रतियोगिता बहुत टफ रिहिस ,वर्षा ह अपन आगे के सोच ल ले के बहुत गंभीर हे ओ ह ट्रांसजेंडर मन बर काम करना चाहत हे ,ओमन के अधिकार बर आघू आना चाहत हे वर्षा चौधरी के मिस्टर ह इंजिनियर हे अऊ दुबई में काम करथे अऊ वर्षा ह एक एन.जी.ओ चलात हे..