स्थानीय निकाय चुनाव के चलत हे जोर , घर घर जावत हे प्रत्याशी

नगर निगम चुनाव व्यक्तिगत छबी ऊपर लडे जाथे ,ये सब ल मालूम हे लेकिन ये बार अप्रत्यक्ष प्रणाली ले चुनाव होही जेमा जनता के द्वारा चुने गे पार्षद मन शहर के महापौर ल चुनही ,ये बार मैदान म निर्दलीय प्रत्याशी मन के जादा जोर नजर आवत हे लेकिन कुछ कहना मुश्किल हे

पूर्व मुख्यमंत्री अजित जोगी के पार्टी ह घलो अपन प्रत्याशी मन ल मैदान म उतारे हे . राजधानी के टाटीबंध क्षेत्र के वार्ड २१ म जोगी कांग्रेस के प्रत्याशी हरप्रीत सिंह रंधावा ह चुनाव जीते बर खूब पसीना बोहावत हे ,वो ह रोज तीन बार अपन वार्ड म घूम घूम के लोगन मन ले मिलत हे ,बड़े बुजुर्ग मन के पैर पड़ के आघू जात हे

व्यापक जनसमर्थन मिले ले जीत के प्रति आशान्वित हे हरप्रीत ह , अपन क्षेत्र म रिंकू भैय्या के नाम से जाने जाय वाला हरप्रीत ह अपन घोषणा पत्र म स्थानीय लोगन मन ल एम्स म रोजगार ,वार्ड ल वाई फाई सुविधा अऊ पूर्ण रूप से साफ़ सफाई के वादा करे हे .